Share

Oct 7, 2017

பப்பள பள பள கோஷ நர்த்தனம்


இப்போது ரஜினியும், கமலும் அரசியல் ஆர்வம் காட்டுவது ஏன்? ஜெயலலிதா இருக்கும்போது இவர்கள் ஏன் விரலைக்கூட ஆட்டவில்லை.
ஜெயலலிதாவுக்கு எதிராக கருணாநிதிக்கெதிராக அரசியல் விஜயகாந்த் தான் செய்தார், நாக்கை துருத்தி பல்லை கடித்தார் என்று சொல்வது பற்றி.. Output என்ன? டெப்பாசிட் இழந்தது தான் மிச்சம்.
எம்.ஜி.ஆர், கருணாநிதிக்கு எதிராக டி.ராஜேந்தர் அரசியல் செய்திருக்கிறார். Output என்ன?
விஜயகாந்த் சினிமாவில் மார்க்கெட் இழந்த பின் தான் அரசியலுக்கு தாவினார். அப்போது கமல், ரஜினி இருவர் தொழிலும் உச்சத்தில் பிரமாதமாய் இருந்தது. இது ஒரு எளிய உண்மை.
இப்போதும் இருவரும் மார்க்கெட்டில் தான் இருக்கிறார்கள்.
விஜயகாந்தை விட அந்தஸ்தில் கமலும் ரஜினியும் நூறு மடங்கு மேல். யோக்யதாம்சம் என்றால் கமல் தான் உச்சம்.

வீட்டில யார் நல்ல பிள்ளை என்ற கேள்விக்கு பதில்: ”கூரையில கொள்ளிக்கட்டைய வச்சி விளையாடுறானே!அவன் தான் நல்லவன்!”

இன்று கமல் இவ்வளவு நாள் அரசியல் அக்கறை இல்லாமல் இருந்தது பற்றி சற்று வருத்தமும் தெரிவிக்கிறார்.

விஜயகாந்த் ஒரு டெம்பஸ்ட் ஸ்டீபனோ என்று நான் 2010லேயே சொன்னேன். அது தான் இன்று நடந்திருக்கிறது.
"What a thrice-double ass was I to take this drunkard for a god,
and worship this dull fool.” என சலித்து விட்டு கட்சியிலிருந்த ஒவ்வொருவரும் வெளியேறி விஜயகாந்த் கட்சி காலி கூடாரமாகிவிட்டது. இப்பவும் அவர் புலம்புகிறார். ‘ங்கொப்பன் மகனே, நான் சிங்கம்டா’
ரஜினி பிரகடனம் -’யுத்தத்துக்கு தயாராகுங்கள்’
புலிக்கு பயந்தவர்கள் என் மேல் படுத்துக்கொள்ளுங்கள்.
தயக்கம் இன்னும் வெளிப்படையாக தெரிகிறது.
ரஜினி அரசியலுக்கு அவர் உடல் நிலையே முதல் எதிரி.
இன்றைய ரஜினி வைக்கோல் கன்றுகுட்டி.
ரஜினிக்கு உடல் ஆரோக்கியம் எதிரி என்றால் கமலுக்கு நாக்கு.
இயக்குனர் ஷங்கர் எழுத்தாளராம்.
சட்டியில் இருப்பது தானே அகப்பையில் வரும்.
Every hero becomes a bore at last.
கமலிடம் ஒரு பாய்ச்சல் மின்னுகிறது. மின்னல் போல மறையுமா? நிலைத்து நிற்குமா?
ரஜினி அரசியலில் on your marks சொல்லும்போதே, முதல் அடி எடுத்து வைத்த நிலையில், கமல் தீவிர ட்விட்டர் யுத்தம், மீடியா பேட்டிகளில் “முதல்வர் ஆக தயார்” பிரகடனத்தில் ரஜினியை கவிழ்த்து விளையாடுகிறார்.
தமிழருவி மணியனின் ரஜினிகாந்த கோஷம் மங்கிடுச்சே.
ரஜினிக்கு உள்ள சினிமா கமர்சியல் வேல்யூ, ரசிக பட்டாள செல்வாக்கு கமலுக்கு கிடையாது என்பது உள்ளங்கை நெல்லிக்கனி.
ரஜினி தும்பிக்கய ஊனும் முன்னே கமல் ஊனி சங்கு சக்கரமா சுத்துறார். வால மரத்தில தொங்கப்போட்டு ஊஞ்சலாடுறார். விகடனில் பல பக்கத்துக்கு புயல கிளப்புறார்.

டேய்! டி.விக்காரங்களா! Breaking News போட்டுக்கிட்டே இருங்கடா! இப்படி ஒரு Addiction வந்திடுச்சே! பட படன்னு என்னன்னோ வருதே.. விரல்லாம் நடுங்குதே.....Breaking News புதுசா புதுசா வேணுண்டா..ஐயோ  couch potato ஆக்கிட்டீங்களேடா மக்கள...
கமல் கிட்ட ஒரு Consistancy உக்கிரமா இருக்கு.
ரஜினி “ அரசியல் வெற்றிக்கு சினிமா புகழ் மட்டும் போதாது”
சிவாஜி கணேசன் மண்ணை கவ்விய விஷயத்தை கமலுக்கு எச்சரிக்கையாக.
’நான் சொல்றது என்னன்னா’ன்னு சாருஹாசன் குழப்புவது இப்படி - ’ரஜினியும் அரசியலுக்கு வரமாட்டார். என் தம்பியும் வர மாட்டார்,வந்தாலும் முதல்வராக முடியாது’

விஜயகாந்த் அபிப்ராயம் : “ கமலும் ரஜினியும் சம்பாதிச்ச பணத்தை அரசியல்ல செலவு பண்ண விரும்ப மாட்டாங்க”

ஓ! Spend  பண்ணி  Loss பண்ண மாட்டாங்களாமா?

ஸ்டாலின், எடப்பாடி, ஓ.பி.எஸ், ( பன்னீருக்கு கூட செல்வாக்கு இருப்பதாக பத்திரிக்கைகள் கணிப்பு வெளியிட்டு கொண்டிருந்தன) சசிகலா, தினகரன் இன்ன பிற தமிழக அரசியல் தலைவர்களை விட கமல் தகுதி, யோக்கியதை குறைந்தவரல்ல.
முதல்வராக தயாராகும் கமல். ஓ.பி.எஸ், எடப்பாடியெல்லாம் உட்கார்ந்த சீட்டில கமல் உட்காரக்கூடாதா? கமலுக்கென்ன, தங்காத்து!
பரோலில் வெளி வந்த சின்னம்மா சசிகலாவுக்கு என்ன ஒரு குதூகல வரவேற்பு.
எடப்பாடியயும் கும்பிடுறாங்கெ.. தினகரனயும் சசிகலாவயும் தூக்குறாங்கெ.. தீபா பின்னாலயும் அதிமுக தொண்டர்கள் பிரகாசம் காட்டுறாங்கெ… கட்சி எத்தன பிரிவா உடஞ்சாலும் கூட்டம் காட்டுறாங்கெ…. பப்பள,பள.பளபள ஜிகினா அரசியல்.
தமிழிசை, ஹெச்.ராஜா, திருநா, திருமா, சீமா..,  கிச்சாமி... ஜெ.தீபா...

நல்ல பல அரசியல் விதூஷகர்கள் அவ்வப்போது தங்கள் விஷேச விசித்திர வித்தைகள் மூலம் தமிழர்களை மகிழ்விக்கிறார்கள். 
எதெதெற்கோ உன்னத அர்த்தம், புளகாங்கிதம்.
அற்பம், சாதாரணம்,மலிவானது எல்லாவற்றிற்கும் கொடி கட்டுகிற செம்மறி ஆடுகள். கோஷங்களின் நர்த்தனம்.

இப்படி புல்லரிப்பு,செடியரிப்பு, மரமரிப்பு இல்லாத ஒருவர் தில்லையம்பல நடன நடராஜனை பார்த்த பார்வை
’கொசு கடித்ததால் நடராஜர் காலை தூக்கியிருப்பார்.’
- க.நா.சுப்ரமணியம்

..............................................................................





No comments:

Post a Comment

Note: Only a member of this blog may post a comment.