Share

Dec 15, 2017

’தண்ணீர் தண்ணீர்’ அருந்ததி.


கே.பாலசந்தரின் ’தண்ணீர் தண்ணீர்’ அருந்ததி.


பெரியகுளம் உஷா.

”மானத்தில மீன் இருக்க
மதுரையில நீ இருக்க
சேலத்தில நான் இருக்க
சேருவது எக்காலம் ”
தண்ணீர் தண்ணீர் படத்தில் இவர் நடித்த பாடல் காட்சி.
https://www.youtube.com/watch?v=NLBrluuwU2Q

இப்போது அருந்ததி எங்கே இருக்கிறார்? என்ன செய்கிறார்? யாரேனும் தகவல் தெரிந்தால் சொல்ல வேண்டுகிறேன்.
பெரியகுளம் எல்.ஐ.சியில் ஸ்டாப் ஆக இருந்தவர் கோபாலன். அவருடைய மகள் தான் பின்னாளில் அருந்ததி என அறியப்பட்ட உஷா.
இந்த கோபாலன் நாடக நடிகரா? 
எல்.ஐ.சி கோபாலன் மகள் அருந்ததி என்று சொல்வது தான் சரி.
.........................

......................................


கர்நாடக சங்கீதத்தை பக்தி பாடல்களோடு ஒப்பிட்டு பக்தி பாடல்கள் தான் சிறப்பானவை என்று ஒப்பிடும் மடத்தனம் எவ்வளவு அபத்தமானது.
கர்நாடக சங்கீதம் மலை என்றால் லைட் மியூசிக் பக்தி பாடல்கள் மடு. கர்நாடக சங்கீதம் கற்பூர வாசனை.
கர்நாடக சங்கீதம் ரசிக்க நல்ல பயிற்சி தேவை. பக்தி பாடல்களை சினிமா பாடல் கேட்கிற எவராயிருந்தாலும் ரசிக்க முடியும்.
மதுரை மணி ஐயர், ஜி.என். பாலசுப்ரமணியம், எம்.எஸ்.சுப்புலட்சுமி, எம்.டி.ராமநாதன் போன்றவர்கள் புரியாமல் இருப்பதற்கும், டி.எம்.எஸ், சீர்காழி, எல்.ஆர்.ஈஸ்வரி பாடிய பக்தி பாடல்கள் பிடித்துப்போவதற்கும் இசை பற்றிய அறிவின்மை தான் காரணம்.
தியாகப்ரும்மம், முத்துசாமி தீட்சிதர், ஷியாமா சாஸ்திரி.
கோபாலகிருஷ்ண பாரதி, முத்துத்தாண்டவர், அருணாச்சல கவி போன்ற கர்நாடக சங்கீத சிங்கங்களை பக்தி பாடல்கள் எழுதுகிறவர்களோடு ஒப்பிட்டு பக்தி பாடல்கள் சூப்பர் ஹிட் ஆவதாக புளகாங்கிதம் காணும் புண்ணாக்குகள்.

எல்லாம் தெரிஞ்ச ஏகாம்பரர்கள் பனங்கொட்டையை கரடி முட்டை என்பார்கள்.
 ...........................................

ஒருவர் சைகையால் வலதுகை கட்டை விரலை வாயருகில் வளைத்து வைத்து மற்ற விரல்களை மடக்கி, கண்ணியமாக
“ உங்களுக்கு இந்த பழக்கம் உண்டா?” என்றார்.
பதில் : “ விரல் சூப்பரதா? சின்ன வயசிலேயே விட்டுட்டேன். எங்கம்மா கட்டை விரல்ல வேப்பெண்ண தடவினாங்க..வேப்பெண்ண தடவிக்கிட்டே இருந்தாங்க…வேற வழியே இல்லாம விரல் சூப்பரத நிறுத்திட்டேன்.”


Dec 12, 2017

துனியாமே கோணுமாரா


காஸ்மோ பாலிட்டன் க்ளப் பஸ் அரசரடியிலிருந்து கிளம்பும். பஸ்சில் அமெரிக்கன் கல்லூரி மாணவர்களும், லேடி டோக், மீனாட்சி காலேஜ், ஓசிபிஎம் பள்ளி மாணவிகள் தான் தினம் காலையில் பயணம்.
கண்டக்டர் ஒரு பெரியவர். அடிக்கடி ஒரு ஜோக் அடிப்பார். ’தயவு செய்து ப்ளாக்ல டிக்கட் எடுக்காதீங்க. ஆளுக்கு ஒரு டிக்கட் தான் தருவேன்.’
 ப்ரிய ஸ்நேகிதி முகத்தில் பவுடர் அதிகமாய் இருந்தால் நான் “புதுசா லக்மே தயாரிக்கறாங்களே, எக்ஸோடிக்கா டால்க், அது பொழுதெல்லாம் கம,கம,கம, கம,கம,கம” என்பேன். உடனே புரிந்து அவசரமாய் அவள் முகத்தை கர்ச்சீப்பால் துடைத்து, துடைத்து.....
“ அடி What அடி ராக்mummy What what thoughtsஸு.
My chest Shakeக்குதடி, சிறு Eyeஆடி Noseகுத்தி,
மாணிக்க red, மச்சானை pullலுதடி.
Five,six rupeesஸுக்கு மணிgarland
Your neckக்குக்கு suitableலடி
அடி our city மீனாட்சி seeத்தாலும்
அவ Eyesக்கு sorrowவடி
அடி without fail I youவை jail எடுப்பேன்.
Single double ஆக இருக்கட்டுமே
அட Aunti, அவ பெத்த U-foam மெத்தை
அட ராக்mummy Marriage வைபோகமே!
Decorative மெஜுராவில்  White mummy story, daily daily Walkக்குதடி.”என் பாடல்
”உயிர்க்குயிர் என்பது ’உ’னா, ஊடலில் கூடல் ’ஊ’வன்னா, என்னையே தருவது ‘எ’ன்னா, ஏக்கம்,ஏக்கம் ’ஏ’யன்னா லாலா லலலல லாலா லாலா லலலல லாலா”
கண்டக்டர் “ தயவு செய்து ப்ளாக்ல டிக்கட் எடுக்காதிங்க”
 ஸ்நேகிதி “ இதுகள போலவே கண்டக்டரும் லூசு தான்”
எங்கள் ஏரியாவில் ஒரு பிச்சைக்காரன் எப்போதும் எல்லா வீடுகளுக்கும் வருவான். அவனோடு அவன் மனைவி சொர்ணவள்ளி.
அவன் “ துனியாமே கோணுமாரா, துனியாமே கோணுமாரா” என்று பாடிவிட்டு, வாயாலே உச்சு கொட்டி தாளம் போட்டு மூணு ரவுண்டு சுற்றி ஆடுவான். ஆடி முடித்ததும் அதிகாரமாக மனைவியைப்பார்த்து சொல்வான் “ சொர்ணவள்ளி! சோறு வாங்கு”

'துனியாமே கோணுமாரா’ பஸ்ஸில் நான் பாடுவேன். சிரிப்பலை.
உடனே ப்ரிய ஸ்நேகிதி சொல்வது “ அசல் பிச்சக்காரன் மாதிரியே இருக்குல்ல”
நான் “ சொர்ணவள்ளி என்ன சொல்லுது?”
ஒரு நாள் பஸ் ஸ்டாப்பில் புத்தகப்பையை வைத்து விட்டு அவசரமாக என் தோழி பஸ் ஏறி பஸ் கிளம்பியவுடன்
“ஐய்யய்யோ, என் புக்ஸு,”

திரும்ப கீழே இறங்கி அவள் புக்ஸை எடுத்துக்கொண்டு மீண்டும் பஸ் ஏறியதும் நான்
“ Was this the face that stopped the Cosmopolitan Bus??”


க்றிஸ்டோபர் மார்லோவின் டாக்டர் ஃபாஸ்டஸ்.
” Was this the face that launched the thousand ships
And burnt the topless towers of Ilium?
Oh, Sweet Helan! Make me immortal with a Kiss.
All is dross that is not Helena.”

மூவியில் ஃபாஸ்டஸாய் ரிச்சர்ட் பர்ட்டன். எலிசபெத் டெய்லரை பார்த்து சொல்லும் வசனம்.
 தோழி  குலுங்கி, குலுங்கி சிரிக்கும் அழகு  கண்ணுக்குள்ளேயே இன்னும் இருக்கிறது.
நெஞ்சில் இட்ட கோலமெல்லாம் அழிவதில்லை.
இன்று நினைத்தால் என்னென்ன சுகமோ?
…………………………………………………..

Dec 9, 2017

Check


ஸ்கூட்டரில் ஹெல்மெட் போட்டுக்கொண்டு ஆற்காட் ரோட்டில் வந்து கொண்டிருந்த போது சாலி கிராமத்தில் ட்ராஃபிக் போலீஸ் மூன்று பேரில் ஒருவர் நிறுத்த சொன்னார். ஏற்கனவே சிலர் பிடிக்கப்பட்டு நின்று  கொண்டிருந்தார்கள்.
”எடுங்க டாகுமெண்ட், லைசன்ஸ், இன்சுரன்ஸ் காப்பி”
எல்லாவற்றையும் எடுத்துக்கொடுத்தேன்.
செக் செய்த டிராஃபிக் இன்ஸ்பெக்டர் சொன்னார் “ கை கொடுங்க”
கூட இருந்த கான்ஸ்டபிள் இருவரும் கூட கை நீட்டினார்கள்.
“ பாராட்டுக்கள். நாங்க இது வரை இன்னக்கி செக் பண்ணவர்களில் நீங்கள் தான் எல்லாமே கரெக்ட்”


நான் பள்ளியில் படிக்கும் போது, சைக்கிளில் லைட் இல்லாமல்  நண்பனுடன் டபுள்ஸ் போகும்போது போலீஸிடம் பிடிபட்டிருக்கிறேன். பதறி பதறி பயந்து கொண்டே அப்போதெல்லாம் சைக்கிளில் லைட் இல்லாமல் டபுள்ஸ் போன அனுபவம் நிறைய.
………………………………………..

சுப்புரத்தின தாசன் உவமைக்கவிதை ஒன்று

”தென்னையிலெ இரண்டு இளநீரைக் காணவில்லை.
தேடித்தான் பாருங்களேன் அத்தான்!”

……………………………………………

Deification

ஒரு குறிப்பிட்ட திரை, அரசியல் ஆளுமையின் மிகத்தீவிர ரசிகர்களிடம், தொண்டர்களிடம் வாதிடுவது தேவையேயில்லாதது. பதில் சொல்வது முட்டாள்தனமானது.

................









Dec 6, 2017

நிர்மலா சீதாராமன்


  நிர்மலா சீதாராமன் ராணுவ மந்திரியாக ஆவதற்கு சில தினங்கள் முன் நான் ஒரு சில வார்த்தைகள் குறிப்பிட்டேன்.  ஒரு வாரத்திற்குள் அவர் ராணுவ அமைச்சர் ஆனார்.
என்னுடைய வார்த்தைகளில் ஒரு ’அறம்’ இருப்பதாக பலரும் அவ்வப்போது சொல்லியிருக்கிறார்கள்!

நாட்டின் முக்கிய பொறுப்பில் இருந்தாலும் சென்ற வாரங்களில் கூட மீனவர்    சுடப்பட்ட  பிரச்னையில் கூட ஏடாகூடமாக பேட்டியளித்திருந்தார்.
நேற்று அவர் ஒரு சானலில் ஒரு இளைஞரிடம் தன் கோபத்தை மீண்டும் காட்டினார்.  ’சீனாவிலோ சிங்கப்பூரிலோ கேள்வி கேட்க முடியாது’ என சீறினார். இந்தியா ஒரு ஜனநாயக நாடு என்பதை எப்படி மறக்கிறார்?

 நான் ஆகஸ்ட் மாதம்  அவர் பற்றி எழுதியதை இங்கே மீண்டும் தருகிறேன்.


நிர்மலா சீதாராமன் பேட்டி கொடுக்கும்போது எப்பவும் கோபத்தை அடக்கிக்கிட்டே பேசுற தோரணை.
A Snob!
" எங்க கட்சி , அரசு நிர்வாகம், கொள்கை பற்றி புரியாத உங்கள்ட்ட எனக்கென்ன பேச்சு வேண்டியிருக்குது “ - எள்ளும் கொள்ளும் வெடிக்கும் ஆங்காரம், ஆத்திரம்.
”ஒரு நிமிஷம் டாய்லட் போய்ட்டு வந்து பேட்டி குடுக்க விட மாட்டேன்னுறாய்ங்களே”- எரிச்சல்.
‘Ask me no questions and I will tell you no lies’ பதற்றம்.
........................

https://www.facebook.com/rprajanayahem/posts/2030811133799009


Dec 5, 2017

டாக்டர் செந்தில் வேலன் I.P.S.





செந்தில் வேலன் சகோதரியின் பூப்பு நீராட்டு விழாவுக்கு அன்று என் எதிர்கால மாமனாருடன் நான் சென்ற போது செந்தில்வேலனின் அப்பா அர்ஜுனன் ரொம்பவும் நெகிழ்ந்து சொன்னார்.“ நீங்க ரொம்ப மக்னானிமஸ்! நான் அழைப்பிதழ் தராமலே எங்க வீட்டு விசேஷத்துக்கு வந்திட்டீங்க.தேங்க்ஸ்.’’ மீண்டும் இதையே சொன்னார்.
அப்போது செந்தில் வேலன் சிறுவன்.
என் திருமணப்பத்திரிக்கையை கொடுக்க கேப்ரன் ஹால் எதிரே இருந்த அர்ஜுனன் வீட்டிற்கு சென்ற போது பத்திரிக்கையை ஓடி வந்து செந்தில் வேலன் வாங்கியது இப்போதும் கண்ணுக்குள் இருக்கிறது.


பட்டாளம் என்று எங்களால் அன்போடு அழைக்கப்படும் சிவசங்கரன் (செந்தில் வேலனின் அப்பாவின் உடன் பிறந்த சகோதரர் சிவசங்கரன் என் மாமனாரின் சகோதரி கணவர்.) இறந்த வீட்டில் நடந்த நிகழ்வு. என் மூத்த மகன் கீர்த்தி அப்போது இரண்டு வயது குழந்தை. எதற்கோ கோபப்பட்டு அழுகையை அடக்கமுடியாமல் அழகாக உதட்டைப்பிதுக்கினான். அதை ரசித்து செந்தில் வேலனின் சகோதரிகள்  கீர்த்தியின் அந்த முகபாவத்தை ரசித்தபோது அங்கே சிரித்துக்கொண்டு நின்ற சிறுவன் செந்தில் வேலன்.

செந்தில் வேலனின் அப்பா அர்ஜுனன் மதுரையில் பிரபலமான பொது ஜன தொடர்பு அதிகாரி. அடிக்கடி பத்திரிக்கையில் அவர் புகைப்படம் வரும். எப்போதும் ஒயிட் பேண்ட்,ஒயிட் சர்ட்டில் ஸ்மார்ட்டாக இருப்பார்.

ஸ்ரீவில்லிபுத்தூர் வந்திருந்த அர்ஜுனன் உடல் நலக்குறைவால் அவருடைய மாப்பிள்ளை குணசேகரன் மனைவியின் ஆஸ்பத்திரியில் அட்மிட் ஆகியிருந்த போது அவரைப் போய் பார்த்து விட்டு அவருக்கு படிப்பதற்கு இந்தியா டுடே மாகசின் கொடுத்து விட்டு வந்தேன்.

குணசேகரனின் டாக்டர் மனைவியாரின் ஆஸ்பத்திரியில் தான் என் மகன்கள் கீர்த்தி,அஷ்வத் இருவருமே பிறந்தார்கள்!
குணசேகரன் ஸ்ரீவில்லிபுத்தூரில் நான் இருந்த போது என்னுடன் நட்போடு பழகிய நல்ல உறவினர்.


பட்டாளம் சிவசங்கரன் மறைந்த சில வருடங்களில் மதுரையில் செந்தில் வேலனின் அப்பா அர்ஜுனன் திடீர் மறைவு எல்லோருக்குமே அதிர்ச்சி. அப்பாவை இழந்த பிள்ளைகளை ஆசிரியையான அவருடைய அம்மா  வளர்த்து ஆளாக்கினார்.

செந்தில் வேலன் எம்.பி.பி.எஸ் படித்ததும் பின் ..எஸ் பாஸ் செய்ததும் .பி.எஸ் தான் வேண்டும் என்று தேர்ந்தெடுத்ததும் எனக்கு செவிவழிச்செய்தி.
காவல் துறை சாதனைகள் பத்திரிக்கையில் பார்க்க கிடைத்தன. அவருடைய நேர்மை ரொம்ப பெருமையாயிருக்கிறது.
தூத்துக்குடியில் செந்தில் வேலன் காவல் துறை கண்காணிப்பாளராக இருந்த போது என் சொந்த அத்தை மகனின் மகன் திருமணம் அங்கே நடந்தது. அத்தை மகனின் மகளின் கணவர் செந்தில் வேலனின் மனைவியின் சகோதரர்.

திருமணத்திற்கு வந்திருந்த செந்தில் வேலனை என் அத்தை மகன் சீனிக்குமார் அறிமுகம் செய்த போது அந்த எஸ்.பி.யின் தாயார் என் மனைவியைப்பார்த்து வியந்து சொன்னார். “ சின்ன மலர் எங்களுக்கு எப்போதுமே சின்ன பொண்ணு தான். சின்ன மலர ஒரு பொம்பளயாவே நினைச்சிப்பாக்க முடியல!சின்ன மலருக்குமா வயசாகுது!”
என் மனைவி மலர்விழியை உறவினர்கள் அனைவருமே சின்ன மலர் என்று தான் சொல்வார்கள்.

செந்தில் வேலனின் மாமனார் போஸ் நல்ல கான்வர்சேஸனலிஸ்ட்.

என் தகப்பனார் மறைந்த போது செந்தில் வேலனின்  மாமனாரும் மாமியாரும் துக்கம் விசாரிக்க வந்திருந்தார்கள்.





Dec 4, 2017

அறிவாலயத்தில் ஒரு திருமணம்


அறிவாலயத்தில் ஒரு திருமணம். 

உறவினர் மூத்த வழக்கறிஞர் சண்முகசுந்தரம் (ஷேணி) ஒரு முன்னாள் எம்.பி. 

அவர் மகன் மனு சுந்தரம்
கல்யாணத்திற்குப் போயிருந்தேன்.




பழைய நண்பர்கள் பலரையும் பார்க்க முடிந்தது. அப்படியிருந்தும் அந்தத் திருமணத்திற்கு வந்திருந்த என் அமெரிக்கன் கல்லூரி பேராசிரியர் R.நெடுமாறனை நான் அன்று சந்திக்க முடியாமல் போனது என் துரதிர்ஷ்டம். 

உறவினர்களிடம்
’தொர வந்திருக்கான் பார்த்தியா” என்று என்னைப் பற்றி சொல்லும் ஷேணி, அமெரிக்கன் கல்லூரி நண்பர்களிடம்
“கேபி வந்திருக்கான் என்றார். 
நானும்
ஷேணியும்
சென்னையில் தங்கியிருந்த எம்.இ.எஸ். ஹாஸ்டல் நண்பர்களிடம் என்னை அடையாளப்படுத்த “ டைரக்டர் வந்திருக்கார்!” என்றார்.

பொண்ணு மாப்பிள்ளையுடன் புகைப்படம் எடுக்கும்போது ஷேணி என்னிடம் “ உனக்கு உடம்பு சரியில்லாமப் போனப்ப அபுபக்கர் என்ன கொடுத்தார்னு எனக்கு ஞாபகம் இருக்கு” என்றார். அபு பக்கர் வெள்ளந்தியாய் சிரித்தார். 



அபு பக்கர் தலைசிறந்த மனிதாபிமானி. எல்லோரும் ஹாஸ்டலை விட்டுக் கிளம்பிய பின் எனக்கு போரடிக்கக்கூடாதே என்று படங்களுடன் கூடிய பிரமாதமான ஒருசெக்ஸ் புக்’ கொடுத்து விட்டு ஆபீஸ் கிளம்பியவர். 

ஐகோர்ட் ஜட்ஜ் அக்பர் அலி. 
செங்கல்பட்டு ஜட்ஜாயிருக்கும்போது காஞ்சி சங்கராச்சாரியாரைத் தூக்கி உள்ளே வைத்தவர் இவர் தான்!

என் ஹாஸ்டல் மேட்.
  இவரும் கலாமும் எம்.இ.எஸ் ஹாஸ்டலில் ட்வின்ஸ் போல சேர்ந்தே தான் இருப்பார்கள். 

என்னைப் பார்த்துவிட்டு பக்கத்தில் இருந்த  நண்பரிடம் உயர் நீதிமன்ற நீதிபதி அக்பர் அலி சொன்னார். 
 I meet this BOY after thirty years!
அவருக்கு இவ்வளவு காலம் கழிந்தபின்னும் இப்போதும் நான் பையனாகவே தோற்றம் தருகிறேன் என்பது சற்று வித்தியாசமாக, சந்தோஷம் தருவதாக இருந்தது. காலயந்திரத்தில் ஏறி பின்னோக்கி பயணம் செய்த சந்தோஷம்!

.............................................................

https://rprajanayahem.blogspot.in/2012/11/blog-post_9.html